Müəllim Gününə Özəl “Üzvlərlə Görüş” tədbiri

Beynəlxalq Müəllimlər Gününə özəl olaraq maarifçi müəllimlərimiz üçün 7 oktyabr tarixində “Üzvlərlə Görüş” adlı şəbəkələşmə görüşü təşkil etdik. Görüşə ölkəmizin 10-dan çox şəhər və rayonundan ümumilikdə 50 üzvümüz qatılmışdır.

Səhər yeməyi masası ətrafında təşkil edilən səmimi və interaktiv görüşümüzdə üzvlərimizə Azərbaycan Maarifçilər Assosiasiyasının mövcud layihələri və gələcək planları məlumat verdik.

Ölkənin ilk və hələ ki yeganə müəllim kimlik kartı olan “AMA Kart” layihəsi, “AKİN- Akademik İnkişaf” təhsil proqramı, “Təhsil Səfirləri” proqramı, “Eğitimde Yeni Trendler Forumu”, “Müəllimlərin Şəbəkələşmə Forumu” haqqında ətraflı məlumat verib üzvlərimizi maraqlandıran sualları cavablandırdıq.

Bu dəfəki görüşümüzə dəyərli dostumuz və partnyorumuz olan İZƏ Nəşriyyatının direktoru, naşir Orxan Bəyov da gəlmişdi. Orxan bəy maarifçi müəllimlərimizi Müəllimlər Günü münasibəti ilə təbrik etməklə yanaşı onlar üçün “İZƏ” Nəşriyyatının müəllimlər üçün çap etdiyi İmmanuel Kantın “Təhsil haqqında” adlı kitabını hədiyyə etdi.

Tədbirin foto və video görüntülərini buradan əldə edə bilərsiz: FOTO / VİDEO

Növbəti şəbəkələşmə görüşümüzə qoşulmaq üçün +994514446080 nömrəmizə yaza bilərsiniz.

Biz nə ediriksə sevgi ilə, təhsil və toplum üçün, dürüstcəsinə edirik.