Ağdaş Təhsil Səfirimiz Rüfət Məmmədov

Özünüzü 1 cümlə ilə təqdim edin. Siz kimsiniz?

-Rüfət Yaşar oğlu Məmmədov, işini həyatından üstün tutan, təhsil uğrunda heç bir mənfəət güdmədən cəmiyyət üçün faydalı olmağa və əsl pedaqoq adına layiq olmağa çalışan bir müəllim.

Sizi uğurlu edən keyfiyyətiniz hansıdır? Bu keyfiyyətinizlə hansı uğura imza atmısız?

-Dürüstük, nəzakətlilik və səbrli olmaq insanlarda az rast gəlinən mənəvi keyfiyyətlər olduğu üçün bu xüsusiyyətlərimə görə hər zaman irəlidə olmuşam. Və altrusitəm. Yəni özünü ikinci plana salıb, başqalarına kömək etməkdən həzz alan, başqalarının rahatlığı üçün özündən keçmək kimi bir məna daşıyır. Eqoistin tam əksidir.

Sizin ilk dərs günü ilə indi keçdiyiniz dərs arasındakı əsas fərq nədir? Bu illər ərzində hansı bacarıqlarınız inkişaf edib?

-Müəllim sinifdə fəal tədris mühiti yaradan, bu prosesi idarə edən yaradıcı şəxs, eyni zamanda şagirdləri real həyata hazırlayan, onlara zəruri bilik və bacarıqlar aşılayan, sosiallaşmasına yardım göstərən liderdir. Buna görə də birinci növbədə, şagirdlərin psixologiyasını, maraq və meyillərini öyrənməli, güclü, zəif tərəflərini müəyyən etməli və buna uyğun təlim forması və iş üsulları seçməlidir. İlk dərs günüm 4 il əvvəl olub. Şagirdlərin psixologiyasını öyrənməkdə çətinlik çəkirdim. Psixologiyanı öyrənmək dərsin 50 faiz nəticəsidir deyə düşünürəm. Zamanla təlimlərdə, seminarlarda iştirak edərək bu istiqamətdə inkişaf etdim. Hazırda şagirdi danışdırmadan belə onun haqqında fikir irəli sürüb, nəticəyə əsasən fəaliyyət göstərə bilirəm.

Sizə görə müasir müəllimin bilməli olduğu 3 əsas bacarıq hansıdır?

-Müasir dövrdə müəllimin bilməli olduğu əsas bacarıqlar empatiya, ünsiyyətçilik, yaradıcılıqdır. Empatiya – özünü başqa insanın və ya canlının yerində hiss etmə bacarığı, başqasının dərdinə şərik olma hissidir. Ünsiyyətcillik insanın başqaları ilə əlaqə və ünsiyyətə meylini əks etdirir. Yaradıcılıq isə, hər kəsin gördüyünü görüb, onunla bağlı fərqli yeni ideyalar fikirləşməkdir.

Sizin pedaqoji fəaliyyətinizdə tətbiq etdiyiniz fərqli metodlar hansıdır?

-Dərs prosesini daha çox şagirdlərə uyğun şəkildə qururam. Bu şagirdləri dərsə cəlb etməkdə, dərsi sevdirməkdə əvəzolunmaz vasitədir. Tədris prosesində daha çox sərbəst olmaq mənim üçün önəmlidir. Diskussiya, debat, beyin həmləsi kimi üsullar şagirdi daha çox mövzunu mənimsəməsinə kömək edir.

“Təhsil Səfiri” olaraq bugünkü təhsilimizdə nələri dəyişmək istərdiniz?

– “Təhsil Səfiri” adını daşımaq özü böyük bir məsuliyyətdir. Bu adı daşıyıramsa demək mən də onun haqqını verməliyəm deyə düşünürəm. Təhsildə problemləri saymaqla bitməz. Ən çox və vacib olan problemlərdən bir neçəsini qeyd edim. 1. Ali təhsil müəssisələrini bitirənlərə təyinat sisteminin tətbiq olunmaması təhsil sisteminin ən böyük problemlərindən biri hesab oluna bilər. 2. Müəllimlərin peşəkarlıq səviyyəsinin yüksəldilməsi və daha gənc kadrların tədris prosesinə cəlb olunması; 3. İlk problemlə oxşar olsa da, daha da xırdalasaq, magistratura səviyyəsini bitirənlərə təyinatla iş imkanı yaratmaq. Bu problemlərin həlli vacibdir.

“Təhsil Səfiri” olaraq ölkə təhsilinə hansı töhvələri verməyi düşünürsüz?