“Təhsil Səfirləri” proqram üzvlərinin I Məclis Toplantısı

21 oktyabr 2023-cü il tarixində Azərbaycan Maarifçilər Assosiasiyası “Təhsil Səfirləri” proqram üzvlərinin I Məclis Toplantısı keçirildi. Toplantının əsas məqsədi yeni seçilmiş Bakı və regionlardan olan “Təhsil Səfirlər” ilə müqavilələrin imzalanması, qarşıya qoyulan fəaliyyət planının müzakirəsi, birgə əməkdaşlıq şəraitində iştirakçıları maraqlandıran məsələləri ətraflı təhlil etmək, təkliflər planı hazırlamaq, növbəti birgə addımlar müzakirə etmək, təşkilatın struktur və prinsiplərini, dəyərlərini onlara aşılamaq idi.

I Məclis Toplantısının gedişində qeyd edilən məsələlər müzakirə olundu, iştirakçılarla müqavilələr imzalandı. Tofiq Sadixov tərəfindən iştirakçılar üçün qısa təlim keçirildi. O öz nitqində təşkilatın dəyərlərini, məqsədini , prinsiplərini, missiyasını daha geniş şəkildə izah elədi.

Toplantının rəsmi hissəsi yekunlaşdıqdan sonra görüş çay süfrəsi ətrafında davam etdirildi.

I Məclis Toplantısından olan görüntüləri buradan izləyə bilərsiniz: VİDEO | FOTO

“Təhsil Səfirləri” proqramına yeni üzvlərin qəbulu noyabr ayında elan ediləcəkdir.

Biz nə ediriksə, sevgi ilə, təhsil və toplum üçün, dürüstcəsinə edirik!

#AMA #İşimizmaarifləndirməkdir #TəhsilSəfiri