Kürdəmir Təhsil Səfirimiz Nərmin Abışova

Özünüzü 1 cümlə ilə təqdim edin. Siz kimsiniz?

– 10 illik stajı olan Kürdəmir rayonu S. Dəmirov adına Karrar kənd tam orta məktəbin Uşaq Birliyi Təşkilatı Rəhbəri Abışova Nərmin Yaşar qızı. Hədəfləri olan və həmin hədəflərə çatmaq üçün çalışan Azərbaycan müəllimi.

Sizi uğurlu edən keyfiyyətiniz hansıdır? Bu kefiyyətinizlə hansı uğura imza atmısınız?

– İradəli olmağım. Hər bir layihə və təcrübələrim də uğur qazanmağımda mənə kömək olub.

Sizin ilk dərs günü ilə indi keçdiyiniz dərs arasındakı əsas fərq nədir? Bu illər ərzində hansı bacarıqlarınız inkişaf edib?

– İlk dərs günü daha motivasiyalı idi, indi keçdiyim dərs isə daha peşəkardır.

Sizə görə müasir müəllimin bilməli olduğu 3 əsas bacarıq hansıdır?

– Yaradıcılıq, intellekt, müasir düşüncə.

Sizin pedaqoji fəaliyyətinizdə tətbiq etdiyiniz fərqli metodlar hansıdır?

– Gənclərə hər aspektdə yaxın və bələd olaraq dəstək olmaq.

“Təhsil Səfiri” olaraq bugünkü təhsilimizdə nələri dəyişmək istərdiniz?

– İmtahan sistemindən imtina edərdim. Sistemli olaraq, şablon imtahan sisteminin ləğvinə çalışardım.

“Təhsil Səfiri” olaraq ölkə təhsilinə hansı töhvələri verməyi düşünürsüz?

– Gənclərin bilik və bacarıqlarına daha yaxşı yiyələnmələri üçün hər bir təhsil müəssisələrində mütəmadi olaraq motivasiya yönümlü təlimlərin keçirilməsinə şərait yaradardım.

Nəyi yaxşı bacarırsınız?

– Natiqliyi. İnsanlarla ünsiyyətdı olmağı sevirəm.

Ömrünüzün sonuna qədər həyata keçirmək istədiyiniz 3 əsas hədəfiniz nədir?

– Peşəkar pedaqoq olmaq,təhsil müəssisəsi yaratmaq, təlimçi olmaq.

Sizin həyat deviziniz?

– Həyat təcrübələrlə doludur, sən isə öz hədəfini izləməlisən.